吳鎮宇和張智霖在電影《誤判》再度合作，劇中前者演檢控官后者扮師爺，但角色正邪難辨好有發揮，Chilam為角色主動變“老”，鎮宇更有場超搶戲搵甄子丹只揪。講到現在騙徒手法層出不窮，Chilam受《誤判》劇情啟發會教囝囝“魔童”小心保護自己免墮法網，鎮宇更自爆曾收恐怖電話詐騙，幸好夠醒目成功逃過一劫。

Chilam戲中演的師爺“歐柏文”，表面幫窮人發聲，實則奸到出汁，對于繼網劇《家族榮耀》后再演反派，他認為兩個角色相差極遠，“上次始終都系個好人，今次始終都唔系好人，所以好唔同，對于我系好玩，作為演員，想試多啲，壞到底系會點呢？！”他更親自為角色設計白發胡須look造型，“我同平時反差大啲，反派比較少機會可以做到，變咗諗多啲嘢，同埋睇嚇對手系邊個，原來系子丹，覺得自己會唔會平時太小朋友個態度同個樣，所以今次喺個造型上，希望令到自己個重量會多啲，令到自己成熟啲，希望畀到對方一啲壓力?！?/p>

曾演阿姐同學

飾演檢控官“楊鐵立”的鎮宇，看似偏幫有錢人，他解釋是劇本需要，“呢啲人好容易令人覺得系奸，成日黑曬口面，唔知點解乜都執到正，都好出嚟有呢個效果，都系佢哋想要，都開心?！彼嚅_心相隔多年可以跟阿姐（汪明荃）再合作，“佢哋查返，《萬水千山總是情》我做過阿姐同學，哈哈！我以前做過李司棋個男朋友，又做過阿姐同學?！笨上М斈隂]有正式對手戲，“邊有機會呀！你估我系鄭少秋、劉松仁呀，周潤發都未試過同阿姐演戲啦！記得有年返無線見到阿姐，佢話你咁大個嘞！我識你嗰時有幾細個呢？！好得意，我臨走仲攬咗阿姐兩嚇，抽抽水呀！”

子丹提出對打

戲中鎮宇跟甄子丹有場對打戲，他還主動叫子丹“我同你只揪”成為熱話，他就解釋是子丹要求，“大家識咗好耐，佢入嚟無線拍電視電影就系拍我，唔記得有冇周星馳份（1989年《無冕急先鋒》），直至拍《誤判》見返傾兩句，我話‘啲觀眾好恨你畀人打?，不嬲你打人，我覺得做律師伸張正義，畀啲古惑仔打到爆曬缸咁先好睇’，佢唔知系咪聽錯觀眾好想佢畀人打，以為觀眾好想我打佢，哈哈！”他又自爆跟子丹商量時，講明不能“公平對打”，“我點同佢打一場呀？！我話‘你冇得隔，如果佢隔我會痛，要搵到個理由，唔可以又系我演，我可以一沖入嚟就系我打你’，嗰句對白就系咁嚟！梗系會有效果啦！對‘宇宙最強’講只揪喎！佢要嘅效果，雖然明知會爆笑，但系我哋好認真對代，我冇壓力，佢唔可以隔同還手嘛，如果我受傷會爆佢?！哈哈！”

險收取違禁品

電影以真人真事改編，講年輕人誤交損友借地址寄包裹，慘被指販毒搞到一身蟻。鎮宇自爆早前收到詐騙電話，自稱海關指他有包裹滯留廣州，還知道他的名字，“恐怖在佢話‘你系吳生，吳鎮宇系咪呀，你知唔知有啲肉干寄嚟香港唔寄得?，滯留咗喺廣州’，我話我啲助手寄牛肉干都唔得？！我話咪住先，幾多號寄，有冇地址呢？佢話冇，但系寄鱷魚肉干?！彼钢衷倪^牛肉干，但早已食完，所以覺得事件相當恐怖，“佢攞到我個電話，知你系吳鎮宇嗌你去收喎！如果系毒品去收咗咪拉你囉！當然我唔會去啦！但如果攞埋你地址長期寄嚟，佢寄毒品嚟都得?喎，無端端都搵到吳鎮宇個電話號碼，個世界就恐怖在咁啦！”

望兒子識自保

兩人兒子正值青春期，鎮宇囝囝吳費曼16歲、Chilam囝囝張慕童已18歲，鎮宇坦言騙案防不勝防，只望兒子醒目，“希望佢哋自己識得諗啦，1個18、1個16啦，大佬呀！教唔到你咁多啦！人哋話有啲嘢寄嚟你度再拎返畀佢，唔知佢有冇咁笨，希望睇嚇《誤判》啦！借個地址畀人都幾恐怖，我舉個例子就更恐怖，如果真系寄到嚟屋企就麻煩?！盋hilam亦相當認同，“18歲都系成人嚟，你自己要對自己所做嘅嘢負責，一定要更加謹慎，個腦老筍要生埋啦！網上世界系幾復雜，都唔知邊個系真邊個系假，甚至乎系咪同個人講緊嘢又唔知，嗰個人幾多數又唔知，好難去判斷一切，不如有時可能少啲上網，都系一個方法啩！”

以上內容歸星島新聞集團所有，未經許可不得擅自轉載引用。